Vaxtabætur
Til þess að auðvelda fólki að eignast eigið húsnæði greiðir ríkissjóður vaxtabætur sem ganga eiga upp í vaxtakostnað af húsnæðislánum. Greiðendur vaxta af lánum sem eru tekin til kaupa á íbúðarhúsnæði til einkanota eiga rétt á vaxtabótum. Fjölskyldustærð, tekjur, eignir, skuldir og lánakostnaður hafa áhrif á fjárhæð vaxtabóta og skerðast bæturnar eða falla niður fari eignir eða tekjur yfir ákveðin mörk. Samþykkt hefur verið að hækka tímabundið vaxtabætur fyrir árin 2010 og 2011.
|
