Heilsuvernd hjúkrunarheimili
HLÍÐ - LÖGMANNSHLÍÐ
Umhyggja - Virðing - Samvinna - Gleði
Heimilin
Heilsuvernd Hjúkrunarheimili eru staðsett í Hlíð og Lögmannshlíð.
Á heimilinum er gert ráð fyrir alls 182 íbúum, þar af eru 155 hjúkrunarrými, 7 dvalarrými og 21 hjúkrunarrými fyrir tímabundna dvöl.
Við leggjum áherslu á hlýlegt, heimilislegt og persónulegt umhverfi. Náin samvinna milli íbúa, fjölskyldu og starfsfólks er höfð að leiðarljósi við alla umönnun.
Heimsóknir aðstandenda stytta daginn, veita styrk og efla fjölskyldutengslin. Aðstandendur eru alltaf velkomnir, þátttaka og afskipti þeirra eru vel þegin.
Þjónusta
Markmið allrar þjónustu sem veitt er á Heilsuvernd Hjúkrunarheimilunum er að tryggja öryggi og vellíðan íbúa og standa vörð um sjálfsmynd þeirra og sjálfsvirðingu.
Hjá okkur er rekin dagþjónusta, mötuneyti, þvottahús og lítil verslun, auk þess sem boðið er upp á iðjuþjálfun, sjúkraþjálfun, fjölbreytt félagsstarf, læknisþjónustu, hársnyrtingu, fótaaðgerðir og fjölbreytta afþreyingu.
Áhersla er lögð á fjölbreytileika í daglegu lífi til að auðga líf hvers og eins.
Að flytja inn
Þegar aðstæður eru orðnar þannig að einstaklingur getur ekki lengur búið heima þrátt fyrir stuðning er hægt að sækja um varanlega búsetu á hjúkrunarhemili.
Okkar markmið er að tryggja öldruðum vistlegt heimili, hjúkrun, þjálfun og aðhlynningu eftir þörfum hvers og eins með áherslu á vellíðan og ánægju íbúa.
Dagþjálfun á Hlíð
Í Hlíð er starfrækt dagþjálfun fyrir einstaklinga sem búa í heimahúsum og þurfa stuðning í þeim tilgangi að viðhalda færni og getu til að búa áfram heima.
Dagþjálfun er opin frá kl. 8:00-16:00 alla virka daga.
Morgunmatur, hádegisverður og síðdegiskaffi.
Dagþjálfunargestum stendur til boða að taka þátt í öllu því félagsstarfi sem er á dagskrá, s.s.hópastarfi, samverustundum, upplestri, Bingói söng, leikfimi, útiveru, gönguferðum, aðstoð í eldhúsi, handverki o.fl.
Vinnustaðurinn
Heilsuvernd Hjúkrunarheimili byggir starfsemi sína á hæfu, áhugassömu og traustu starfsfólki sem nýtur jafnra tækifæra í öruggu, heilbrigðu og jákvæðu starfsumhverfi.
Við hlúum vel að fólkinu okkar og leggjum ríka áherslu á jákvætt andrúmsloft á vinnustaðnum og að hver einstaklingur fái notið sín í starfi.
Við erum stöðugt að bæta í hóp okkar.
Fréttir og tilkynningar
Yfirlit frétta
Öskudeginum fagnað á Heilsuvernd Hjúkrunarheimilunum
Það var líf og fjör að vanda á Hlíð og Lögmannshlíð þegar öskudeginum var fagnað
Heilsuvernd hlýtur Jafnlaunavottun
6. desember 2023
Það er mikil ánægja að tilkynna að Heilsuvernd og öll fyrirtæki í samstæðunni, Heilsuvernd Heilsugæslan Urðarhvarfi, Heilsuvernd Hjúkrunarheimili og Heilsuvernd á Vífilsstöðum hafa hlotið Jafnlaunavottun sem byggir á jafnlaunastaðli ÍST85-2012.