Heilsuvernd Hjúkrunarheimili

Heilsuvernd Hjúkrunarheimilin eru rekin af Heilsuvernd ehf., samkvæmt sérstökum samningi við ríkið og eru hluti af félagsþjónustu Akureyrarbæjar. Samkvæmt samningi við nágrannasveitarfélög eiga aldraðið íbúar þeirra einnig kost á þjónustu hjúkrunarheimilanna.

Heilsuvernd Hjúkrunarheimili eru á tveimur stöðum, Hlíð og Lögmannshlíð, og reka heimili fyrir alls 182 íbúa. Þar af eru hjúkrunarrými fyrir 155, dvalarrými fyrir 7 og 21 hjúkrunarrými fyrir tímabundna dvöl.

Hlutverk Heilsuvernd Hjúkrunarheimila er að tryggja öldruðum vistlegt heimili, hjúkrun, þjálfun og aðhlynningu eftir þörfum hvers og eins og veita ávallt bestu mögulegu þjónustu með áherslu á vellíðan og ánægju íbúa.

Á hjúkrunarheimilunum er rekin dagþjónusta, mötuneyti, þvottahús og lítil verslun, auk þess sem boðið er upp á iðjuþjálfun, sjúkraþjálfun, fjölbreytt félagsstarf, læknisþjónustu, hársnyrtingu, fótaaðgerðir, margs konar afþreyingu o.fl.

Markmið allrar þjónustu sem veitt er á Heilsuvernd Hjúkrunarheimilunum er að tryggja öryggi og vellíðan íbúa og standa vörð um sjálfsmynd þeirra og sjálfsvirðingu. Lögð er áhersla á virðingu fyrir einstaklingnum og að tekið sé tillit til viðhorfa hans og þarfa eins og kostur er. Einnig er lögð áhersla á endurhæfingu og að viðhalda þeirri færni sem fyrir hendi er. Jafnframt er hugað að þörfum hvers og eins fyrir félagsskap og þátttöku í dægradvöl.

Heilsuvernd hjúkrunarheimilin starfa eftir Eden hugmyndafræðinni: 

Eden hugmyndafræðin leggur áherslu á að skapa innihaldsríkt líf þar sem íbúar fá tækifæri til þátttöku. Einmanaleiki, vanmáttarkennd og leiði eru oft meginástæður vanlíðunar íbúa á hjúkrunarheimilum. Með hugmyndafræðinni eru skapaðar aðstæður til að vinna gegn vanlíðan og þannig stuðla að velllíðan, innihalds- og tilgangsríku lífi íbúa. 

Áhersla er lögð á fjölbreytileika í daglegu lífi til að auðga líf hvers og eins.