Íbúar

Heilsuvernd Hjúkrunarheimili eru á tveimur stöðum, Hlíð og Lögmannshlíð.  

  • Hlíð, þar búa 138 íbúar á 10 heimilum sem eru Asparhlíð, Beykihlíð, Birkihlíð,  Einihlíð, Furuhlíð, Grenihlíð, Reynihlíð, Skógarhlíð og Víðihlíð. Þar að auki búa 10 íbúar í raðhúsum við Hlíð.

  • Lögmannshlíð, þar búa 45 íbúar á 5 heimilum sem eru Árgerði, Bandagerði, Kollugerði, Melgerði og Sandgerði.

Samvinna er höfð að leiðarljósi

Náin samvinna milli íbúa, fjölskyldu og starfsfólks er höfð að leiðarljósi við alla umönnun. Það er farsælasta leiðin til að stuðla að góðri aðlögun, öryggi og vellíðan. Lögð er áhersla á vistlegt umhverfi og að heimilisfólk hafi persónulega muni með sér, til þess að gera umhverfið notalegra og eins heimilislegt og hægt er.

Mikil þörf er fyrir stuðning fjölskyldunnar þegar aldurinn færist yfir og heilsan brestur. Það er mörgum erfið ákvörðun að yfirgefa heimili sitt og flytja á stofnun. Heimsóknir aðstandenda stytta daginn, veita styrk og efla fjölskyldutengslin.

 

Aðstandendur eru alltaf velkomnir og er þátttaka og afskipti þeirra vel þegin. 
 

Nýir íbúar

Við komu er nýjum íbúum úthlutað herbergi sem er einbýli.  Hjúkrunarrýmum fylgir sjúkrarúm og náttborð en íbúar í dvalarrýmum þurfa að koma með rúm.  Gluggatjöld eru í öllum herbergjum, en óski íbúi eftir að hafa eigin gardínur er það sjálfsagt mál. Annan húsbúnað hefur íbúi með sér, gott er að vera í samráði við forstöðumann eða starfsfólk heimilisins þegar húsbúnaðurinn er valinn. Allur búnaður íbúa sem og klæðnaður þarf að vera merktur eiganda.

Við flutning inn á Öldrunarheimili Akureyrar fær hver nýr íbúi tilnefndan tengil. Hlutverk tengilsins er að setja sig vel inn í aðstæður og óskir íbúans og vera í sambandi við aðstandendur þegar þörf er á.

Við flutning fá nýir íbúar afhentan bækling með helstu upplýsingum um heimilið fyrir sig og aðstandendur sína.​
 

Hagnýtar upplýsingar fyrir íbúa

Í handbók hjúkrunarheimilinna er samantekt á upplýsingum fyrir íbúa hjúkrunarheimilanna ásamt upplýsingum úr "Handbók fyrirtækja í velferðarþjónustu fyrir íbúa hjúkrunarheimila".

 

Með handbókinni er á einum stað teknar saman hagnýtar upplýsingar og reglur sem varða málefni nýrra íbúa á hjúkrunarheimilum.

Þessi fyrsta útgáfa af ítarlegri handbók var gefin út í maí 2018 og verður endurskoðuð reglulega eftir því sem tilefni verður til. 

Sækja handbókina "Hagnýtar upplýsingar fyrir íbúa hjúkrunarheimilanna".

Handbok-image.jpg